Elkartasuna / Solidaridad, Venezuela

Urtarrilak 25 | Mobilizazioak Venezuelaren aurkako esku-hartze inperialista salatzeko

ESKU-HARTZE INPERIALISTAREN AURREAN #VenezuelaAurrera

 

Venezuelako Iraultza Bolibartarrarekiko Venezuela Aurrera ekimenetik, Hego Amerikako herrialde honetan ematen ari diren gertakizunen aurrean, herrialdean esku-hartze bat emateko baliatuko duen estrategia inperialista bat garatzen ari dela salatu nahi dugu. Elkartasun internazionalista eta Batzar Nazional Konstituziogilearen zilegitasun demokratikoaren defentsa aktibatzea behar-beharrezkoa dela uste dugu, eta beraz legearen arabera lehendakari izendatua izan den Nicolás Maduroren zilegitasun demokratikoa.

Oposizio kolpista, Venezuelan nazioarteko esku-hartze hau jusifikatuko lukeen eszenatokia prestatzeko eskura dituen errekurtso guztiak aktibatzen ari da, demokratikoki hautatua izan den Nicolás Maduro lehendakaria kargugabetzeko, eta bere interesen aldeko lehendakaria edo gaizki deituriko trantsizio prozesu bat errekonozitzeko, azken finean oligarkiaren interesei erantzuten dien pertsona bat ezartzeko, ez dena Venezuelako herriaren borondate demokratikoarekin hautatua izan.

Por todo ello desde Venezuela Aurrera queremos decir lo siguiente:

  1. Nicolás Maduroren, prozesu konstituziogilearen eta ondoren emandako hauteskundeen zilegitasun demokratikoa ontzat ematen dugu. Garantia judizial eta politiko guztiekin egindako prozesuak izan ziren, Venezuelako konstituzioan onartuta dagoena hain zuzen ere. Hauteskunde garantia guztiekin egindako hauteskunde prozesu honetan Nicolás Madurok 6 milioi bozka baino gehiago lortu zituen.
  2. Venezuelako herriaren borondate demokratikoaren ondorio diren neurrian, Nicolás Maduro kargugabetu eta Batzar nazional konstituziogilea ez onartzea helburu duen estrategia inperialista arbuiatu eta gaitzesten dugu, Gerra ekonomiko, diplomatiko eta biolentoa uztartzen dituen estrategia inperialista honen atzean oligarkiak iraultza bolibartarra suntsitzeko helburu garbia dago, Iraultza bolibartarrak burgesiaren interesen gainetik Venezuelako herriaren bizitza duin baterako duen eskubidea agendaren erdian jarri duelako.
  3. Ozen eta argi esaten dugu Venezuelak dituen arazoak Venezuelako herriak demokratikoki onartu dituen bide demokratiko eta legalen bidez konpondu behar dituela. Venezuelaren ezegonkortasun ekonomiko,  politiko eta soziala bilatzen duen edozein nazioarteko esku-hartze onartezina da. Estatu Batuei eta Europar Batasunari, nazioarteko inperialismoaren adierazle diren neurrian Venezuelako herrian bakean uztea eta Venezuelako herriak harturiko erabakiak errespeta ditzala exijitzen diegu.

Azaldutako guztiagatik, Euskal Herritarrak datorren Urtarrilaren 25ean Bilboko Arriagan 19:00etan, Gasteizko Andra Mari Zuriaren plazan 19:30etan, Iruñeako Udaletxe plazan 19:30etan, Altsasuko Udaletxearen aurrean 18:00etan, Arrasateko herriko plazan 19:00etan eta Donostiako Bulebarrean 19:00etan egingo diren elkarretaratzeetan parte hartzera deitzen dugu.

Euskal Herria, 2018ko Urtarrilak 22

Deja un comentario

Tema creado por Patria Libre o Morir | PLOMO